पहाट झाली रवी निघाला उजळाया ह्या अवनीला 
नितळ स्तब्ध जल देई आरसा "बघ" म्हणुनी त्याला 

शिशिर धुके शिरशिरी अंगी परि निघती कामाला
तत्पर नाविक दक्षिण तीरी चुकती ना कर्तव्याला 

M. P. Thatte

11-07-2012

भूतान प्रदेशी ख़ुशी, कशी हा कुशी हिमालय देई 
नीरव प्रसन्न शीतल जल अन प्रसन्न वनराई 
कवण विराजे प्रासादी हे सौख्य कवण घेई?
सौंदर्य दिसे तव धरणीमाते हे ठायी ठायी 

M. P. Thatte

11-07-2012

अरे, हा तर पुण्याच्या तुळशी बागेचा फोटो...!!!!
नाही...
हा आहे स्पेन मधील एका बाजाराचा फोटो...

मनुष्यस्वभाव किती सारखा...!!! हव्यास किती तसाच...वैविध्य हवे...अगदी रोजच्या वापरातल्या वस्तूत सुद्धा. 

M. P. Thatte

11-07-2012

राजा रवी वर्मा यांचे हे प्रसिद्ध चित्र...

ही सुवासिनी सांगते आहे........... 

एका ज्योति ने दूसरी ज्योत उजळता येते ,

थोड्या वेळाने कोणती कुणा मुळे उजळली ते सागता येत नाहीं

नाती तशीच उजळावित,

निरहंकारी, ज्योतिर्मयी

M. P. Thatte

11-07-2012

राजा रवी वर्मा यांचे हे प्रसिद्ध चित्र...

ही सुवासिनी सांगते आहे........... 

एका ज्योति ने दूसरी ज्योत उजळता येते ,

थोड्या वेळाने कोणती कुणा मुळे उजळली ते सागता येत नाहीं

नाती तशीच उजळावित,

निरहंकारी, ज्योतिर्मयी

M. P. Thatte

11-07-2012

गोवर्धनगिरिधारीने ब्रजवासियांना सात दिवस इंद्राच्या प्रक्षोभापासून वाचवले ते ही गोवर्धन-शिला एका करांगुलीच्या आधारावर उचलून धरून असा श्रद्धावानांचा समज आहे.

हे चित्र त्या शिलेचे तर नाही...???

M. P. Thatte

11-07-2012

एक माड म्हणतो दुस-याला, वाकुन पाहू दूर जरा 
बघुया सागर जल हे कैचे भिडलेसे त्या अंबरा
रत्नाकर जल हसुनी वदले वेड्या माडानो आवरा 
कशास आहे कुतूहल तुमचे? क्षितीज असे मम उंबरा 

M. P. Thatte

11-07-2012

हा घसरता रवी म्हणतोय......

रे जलधी मज नाही अवधी गांभीर्य तुझेच बघाया 
ही धरा पहा नित फिरत अशी तत्पर मज बुडवाया 

परी थांब रात्र उलटू दे ही येईन नव्या जोमाने 
स्पर्शून चरण सागरा तुझे जाईन याच मार्गाने 

M. P. Thatte

11-07-2012

वृक्षराज, ह्या वसुंधरेने भव्य पोसिले तुवा 
उंचीचा उच्चांक घडवितो का रे तू इक नवा? ||

परि हे नच आवडे क्षुद्र ह्या वृत्तीच्या मानवा 
म्हणे मनी लाकुड अति सुंदर कापुनी टाकावा ||

चढे वरवरी पडे कसा जणु किडा सरपटावा
अंती मग उद्देशां माणुस सफल मात्र व्हावा ||

मधुसूदन थत्ते
०१-०५-२०१२

वाटे मज बोलावि काल हा सातवाहनाचा
कालांतर करुनी निर्णय केला लगेच जाण्याचा ||

पद्मपाणि की वज्रपाणि तू देव तरि कुणाचा ?
हे चित्र नव्हे निश्चीत असा हा तूच असशी साचा ||

बौद्ध काळ तो असे कलांच्या उदंड समृद्धीचा
सांगा कुणितरि मार्ग मला त्या काळीं जाण्याचा ||

(dedicated to immortal paintings of Ajintha)

मधुसूदन थत्ते
०२-०२-२०१२