हे दृश्य पाहिलं आणि वाटलं लग्गेच टाकावं सावध पाऊल त्या छोट्या होडीत आणि मारावी वल्ही सपासप...
जावे क्षितीजावेरी आणि पहावे डोकावून खाली..पलिकडे आहे तरी काय...!!
भेटेल एखादा मत्स्यावतार आणि कळेल हे दशावतार कसे कसे प्रगट झाले....
नको...पण...त्यापेक्षा...
विचारावे ह्या पर्वताला..."आमचा हिमालय माहित आहे का तुला? नाही ? मग आमचा विन्ध्य? मेरू? लाडका सह्याद्री?
विचारावे ह्या जळाला..."आमचे मानसरोवर माहित आहे का तुला? नाही?
मग गंगाजल ? नर्मदेचा अवखळपणा ?
आणि..
त्यांची "नाही बुवा" अशी उत्तरे अपेक्षित होतीच.

मधुसूदन थत्ते
२४-०६-२०१३