सागर लाटा....किती अधीर व्हाव्या किना-याला भेटायला...!!

पण...नववधू प्रमाणे "लाजते पुढे सरते, फिरते..." असे का बरं करतात?

दूर क्षितिजापाशी आणि त्याही पुढे लाटा रूप घेतात मर्दानीचं...जसं .. डोलकर म्हणतो..

"या हो दरियाचा दरियाचा दरियाचा दरारा मोठा...जवा पान्यावरी उठतांना डोंगर लाटा लाटा लाटा..." !!!

जलद घनश्याम मेघ पर्वत राशीच्या भोज्ज्याला स्पर्शून ह्या रात्नाकाराला भेटायला येतात तेव्हा किना-यावरल्या आम्हा पर्यटकांना ती एक पर्वणी वाटते...

मनात येतं, घ्यावी नाव आणि जावे ह्या लाटा पार करत ...ऐकू तरी हे घन काय संवाद करतात सागराशी...!!!