कळीदार कपूरी पान कोवळं छान केशरी चुना...!!!!!!!!!!

मित्रांनो...ही अत्यंत कोवळ्या अशा भावरंगात न्हाऊन निघालेली अशी लावणी आहे....सुलोचना चव्हाणने सुंदर गायली आहे..

संगीतकार कोण बरं असावं? वसंत पवार की राम कदम ?

ज्या जमान्यात हे प्रथम कानावर आलं ते आमचं वयही ऐन तारुण्यातलं होतं..दूर बनारसला होस्टेल मधे असतांना

एकदा कधी नव्हे ते common रूम मधे रेडिओ माझ्या ताब्यात आला होता आणि मी आकाशवाणी मुंबई शोधत होतो...एका जागी रेडिओचा काटा आणि मी...चांगलेच थबकलो....

"कळीदार कपूरी पान...." अशी भेदक सुरुवात कानी आली...(मुंबई असे सहज लागत नसे तिथे)

इतर मुले मराठी नव्हती...बंगाली आणि `पंजाबी...त्यांना भांगडाच आठवला आणि नाचायला लागली...हुं याहुं याहुं..हुं याहुं याहुं.....

हे सारं मला का आठवलं आज?

कारण ह्या आधी मी ऐकत होतो..."अप्सरा आली..." ही सोनाली कुलकर्णीची अप्रतिम लावणी...

.पण हा बाजच वेगळा....अन "कळीदार कपूरी पान...." वेगळे...

गंमत पहा...लावणी पण सोज्वळ असू शकते हे तुलनेने मला चांगलेच पटले...

मधुसूदन थत्ते
१३-०९-२०१४
https://www.youtube.com/watch?v=CAFTr0frLIo